ડિરેક્ટર મેડમનો સંદેશ:

શાળા અને સમાજ એકબીજાના પૂરક છે. શાળા સમાજનો અરીસો છે અને સમાજ શાળાનું પ્રતિબિંબ છે.વિદ્યાર્થી થકી સમાજની શુશ્રૂષા કરી શાળાનું વાસ્તવિક પ્રતિબિંબ ઉભરે તેજ અમારી ઇચ્છા. બાળકોમાં નૈતિકમૂલ્યો વિકસાવવાના વિઝન સાથે સદ્દગુણો અને શિસ્તપાલનના મિશન દ્વારા વિદ્યાર્થીનો સર્વાંગી વિકાસ કરવાનું અમારું લક્ષ છે.બાળકોમાં ભય અને સંકોચ દૂર થાય, પરિસ્થિતિનો પડકાર કરવાની શક્તિ જેવા ગુણ તેનામાં વિકસે તે માટે કો-એજ્યુકેશન ખૂબ જ જરૂરી છે. છોકરા-છોકરીઓ સાથે ભણવાથી જ વિદ્યાર્થીઓમાં સાહસિકતાનો ગુણ વિકસે છે તે અમારી શાળા પુરવાર કરે છે વર્તમાન સમયમાં આવા વિપરીત સંજોગોમાં માનવતા, દયા, અહિંસા, પરોપકાર મહાન વ્યક્તિઓના ગુણોને પોતાનામાં અકબંધ રાખી આત્મવિશ્વાસ વધારીને શિક્ષણપથ પર ઉચ્ચ લક્ષ્યાંક પ્રાપ્ત કરી શકે માટે સમાજને સર્વોત્તમ, કુશળ, ઉમદા, સુસંસ્કૃત વિદ્યાર્થીઓ અર્પણ કરવા તથા માતૃભાષાના માધ્યમને શ્રેષ્ઠતાના શિખરો સર કરાવવા સક્ષમ અને કટિબદ્ધ છીએ.